Одам танасида умуртқанинг аҳамиятини ортиқча баҳолаш ҳам, камайтириб кўрсатиш ҳам мумкин эмас. Буни худди нафас олишнинг биз учун аҳамия ти ҳақида беҳуда тортишишга қиёслаш мумкин. Умуртқа – асосий таянч, тик юриш, ҳаракатчанлик ва мувозанат гарови, шунинг дек, соғлом ҳаёт кечиришимиз негизи. Айнан у одамнинг куч-қуввати ва чидамлилигини, ички аъзолари меъёрида ишлашини белгилаб беради. Умуртқани ҳаёт ичида ҳаёт дейиш мумкин. Мазкур китобда умуртқа ҳақида батафсил маълумотлар келтирилиб, уни соғломлаштириш масалалари атрофлича баён қилинган. 

Агар ҳаётингизда қандай даврийлик борлигини ва ҳаётингиздаги воқеликларни назорат қилишни истасангиз, яна бир қоидани билиб олишингиз керак: Орзу қилишни ўрганинг. Орзу — фикр қилиш тарзи, фикр, хаёллар, тасаввурнинг амалга ошиш муддати, етилиш муддати бор. Владимир Жикаренцевнинг ёзишича, фикр-орзуларнинг амалга ошиши учун тўққиз ой керак бўлар экан. Шу муддат ичида улар қувват тўплайди, рўёбга чиқиши учун етилади, шаклланади. Фикр туғилганида ва шаклланганида у моддийлашади, ҳаётда амалга ошади, демак, агар сиз бирон нима ҳақида ўйласангиз ўз олдингизга мақсад қўйинг, ана шу йўл билан биринчи қадамни қўйган бўласиз. Олдинга интиласиз ва ҳаётингизда содир бўлаётган воқеликлар сезиларли даражада бўлади. Яхши воқеликлар содир бўлганда, орзуингиз рўёбга чиққанида сиз муаммоларни ҳал қилишни ўрганасиз. Бўлиб ўтган салбий ҳодисаларга ачинмайсиз, муаммолар, кечкин вазиятлар ҳозир ҳам пайдо бўлиши мумкин, лекин билингки, улар сизнинг тўла инсоний фазилатларни эгаллашингиз, маънавий камолотингиз учун зарурий шартлардир.

Катта шараф ва масъулият ҳисобланмиш оналикнинг баҳоси фарзанднинг нечоғлик парвариш ва тарбия топганлиги билан ўлчанади. Ўз ўрнида ҳар бир она фарзандининг расо, комил инсон бўлиб вояга етишини ният қилади. Бу ният кимгадир ҳамроҳ бўлса, яна кимдир расоликдан йироқда қолади. Нега? Бу тақдирми ёки ҳаракатларимизнинг таъсири? Балки тақдирга ўзимиз эшик очаётгандирмиз?

Ҳомиладорликнинг масъулияти нимада? Бу даврда аёл психологияси нималарга муҳтож бўлади? Оналик ва психологиянинг мутаносиблиги нимада? Фарзанднинг эрта туғилиши хавфми, хурсандчилик? Одатда чақалоқлар дунёга келгач, дастлабки бир йил давомида қатор касалликларга қарши эмланади, нега?

Юқоридаги саволларга жавоб тарзида тайёрланган ушбу китоб нафақат ёш оналарга, балки кенг ўқувчилар оммасига мўлжалланган.

Дарвоқе, китоб ёзилиш жараёнида бир фикр диққат марказимизда бўлди. Яъни, шоира Турсуной Содиқова ҳикмати: «Одам боласига она бўлиш учун илм керак, оналик илми керак! Бу илмни ўрганиш бир заҳмат, уни қўллаш яна бир заҳмат!»

Олий ўқув юртларига кириш имтиҳонлари олдидан абитуриентларнинг ҳаяжонланишлари, қўрқишлари табиий. Баъзан бу қўрқув ва хавотир имтиҳон вақтида панд бериб қўяди. Ана шу пайтда кучли ички ғалаёнлар исканжасида қолмай, билим ва малакаларини ишга солиб, диққатни жамлаш зарур. Бу борада мазкур китоб абитуриентларга муносиб йўлланма бўлади. Китобда имтиҳон олди қўрқувларини йўқотиш, ҳаяжонларини босиш, иродани кучайтириш, ишончни мустаҳкамлашга оид тавсиялар, психологик машқлар берилган. Шунингдек, китобдан абитуриентларнинг ота-оналарига фарзандларининг таълим муассаларига имтиҳон топширишлари жарайпнида қандай психологик ёрдам бера олишлари тўғрисида ҳам амалий тавсиялар келтириб ўтилган.

Ушбу тўплам орқали халқ табобатида қўлланиладиган доривор гиёҳлар, улардан дори воситалари тайёрлаш усуллари, шунингдек, қўллаш бўйича кўрсатмалар ҳақида билиб олишингиз мумкин. Доривор дамламалар, қайнатмалар, тиббиёт малҳамлари, мева ва сабзавотлардан шифобахш шарбатлар юқумли ва юқумсиз, юрак қон-томир, асаб, ошқозон-ичак, эндокрин, кўз, жинсий ва бошқа турли касалликлардан шифо топишингизга, стрессларни, сурункали чарчоқни енгиб ўтишингизга, заҳарланишдан сўнг организмни тез тиклаб олишингизда, шамоллаш ва тумовда, иммунитетни кучайтиришда ва яна кўплаб нохуш оқибатлардан йироқ бўлишингизда албатта ёрдам беради.

Ушбу китоб буржлар дунёсидаги ўзаро мутаносиблик, муносабатларнинг мувофиқлиги ёки акс жараёнлар ҳақида маълумот беради. Сиз, аввало, маълум бурж вакили ҳақида умумий таъриф билан танишасиз. Ушбу бурж эгасининг бошқа бурж вакилларига қанчалик муносиблиги эса турли жабҳаларда очиб берилади. Жумладан, биргаликда умргузаронлик, ишлаш, омадга эришиш, яратувчанлик, ижодкорлик борасида талай маълумотлар ҳавола этилади. Ушбу қайдларга қанчалик ишониш-ишонмаслик ўзингизга ҳавола, албатта. Уларнинг ҳақиқатга яқинлигини аслида ҳаёт кўрсатади.

Биз «қўрқув» сўзининг ўзидан ҳам қўрқамиз, аслида унинг ижобий жиҳатлари бор. Қўрқув ўзига хос табиий жараён бўлиб, инсоннинг дунёқараши, руҳий ҳолати ва билимига кўра ё яшашга халақит қилади, ёки ёрдам беради. Бу инсоннинг қўрқувга бўлган муносабатига боғлиқ. Агар инсон омадсизликлардан қочиш, кўнгилдан қолмаслик учун қўрқиш ҳиссидан халос бўлмоқчи бўлса, қаерга бормасин, нима қилмасин, барибир қўрқув бутун танасини эгаллаб олаверади. Ана шунда унинг ҳаёти қўрқув олдида қўрқишдан иборат бўлиб қолади. Шу билан бирга, қўрқув фойдали йўлдошга айланиши ҳам мумкин. У аниқ, зийрак, хайрихоҳ, сабрли, эътиборли бўлиш каби инсонга хос сифат ва фазилатларни шакллантиради.

Мазкур китобда қўрқув шакллари, уларнинг моҳияти, мақсад сари интилишда қўрқувни тўғри йўналтира олиш ҳақида маълумотлар берилади.

Энг қизиғи, янги туғилган чақалоқлар, кичик ёшдаги болаларнинг қўрқуви ҳам тавсифланади.

Китоб амалий аҳамиятга эга.

Сиз мушкул вазиятдан қандай чиқиб кетишни биласизми? Одамлар кўнглига йўл топиш cизга қийинчилик туғдирадими? Иш фаолиятингизда, атрофингиздагилар билан мулоқот жараёнида нимадир cизга тўсқинлик қилаяптими?

Қўлингиздаги мазкур китоб ушбу саволларга ечим излаб топибгина қолмай, у cизнинг инсоний қадр-қимматингиз, ҳаётдаги ўрнингиз, ўзингизга нисбатан ишончнинг ортишига кўмаклашади.

Янги танишингизни бир кўришдаёқ қандай инсонлигини била оласизми? Ёки узоқ вақт суҳбатлашгачгина уни ўргана бошлайсизми? Кўпчилик одамлар суҳбатдошининг нафақат сўзлаётган сўзи ва ўзини тутиши, балки ташқи кўринишига қараб ҳам баҳо беришади. Ва баъзан шундай бўладики, ҳеч қанақанги сўз, ҳеч қанақанги хатти-ҳаракатсиз ҳам бир кўришдаёқ муносабат билдирилади.

Албатта, инсоннинг кўриниши, юриш-туришига қараб, унинг ички оламини кўра олиш учун инсонни яхши билиш лозим. Бу ҳақда эса ушбу китобчамиз сизга кўмакдош бўлади.

Қаршингизда турган киши сизнинг сўзларингизни қабул қиляптими? Айни дамда унинг кайфияти қандай? Мазкур саволларга «Имо-ишоралар сири» номли китобдан жавоб топасиз.

Китоб имо-ишоралар, тана ҳаракатлари, юз ифодаси, сўзлаш оҳангини ўрганмоқчи бўлганларга ажо йиб қўлланма бўлади.

Шоир ва ёзувчи Боқий Мирзонинг ушбу асари қаҳрамони ҳаёт машаққатлари, руҳий изтиробларни матонат билан енгиб, ўз йўлимни топдим, деганда умр маъносини хато ўйлаганини тушуниб қолади. Туғилиш ва яшашдан мақсад – зўравонлар қўлида ўйинчоқ бўлиш эмас, қийналганларга ёрдам бериш, Ватанга хизмат, унинг шаън-шавкатини баланд кўтариш эканини англагач, катта моддий даромад келтираётган ишдан воз кечиб, ота юртига қайтишни ўйлайди. Билагидаги куч, катта миқдордаги моддий бойлиги, спортда эгаллаган маҳоратини Ўзбекистон учун сарф этишга жазм қилади.

Асарда қаҳрамонлар психологияси, феъл-атвори ва олдига қўйган мақсади ҳаётий ҳақиқатлар фонида берилади. Ҳар биридаги адолат ва инсонни қадрлаш хислати эса умуминсоний туйғулар билан уйғунлаштириб юборилади.

Асарни ўқиган ёшлар ҳаётга очиқ кўз билан қараш, катта мақсадлар билан киришни ўрганадилар, тақдир синовларидан  бар­дош билан ўтиб, тўғри йўлни топишга туртки оладилар, деган умиддамиз.

Шоир ва ёзувчи Боқий Мирзонинг ушбу асари қаҳрамони ҳаёт машаққатлари, руҳий изтиробларни матонат билан енгиб, ўз йўлимни топдим, деганда умр маъносини хато ўйлаганини тушуниб қолади. Туғилиш ва яшашдан мақсад – зўравонлар қўлида ўйинчоқ бўлиш эмас, қийналганларга ёрдам бериш, Ватанга хизмат, унинг шаън-шавкатини баланд кўтариш эканини англагач, катта моддий даромад келтираётган ишдан воз кечиб, ота юртига қайтишни ўйлайди. Билагидаги куч, катта миқдордаги моддий бойлиги, спортда эгаллаган маҳоратини Ўзбекистон учун сарф этишга жазм қилади.

Асарда қаҳрамонлар психологияси, феъл-атвори ва олдига қўйган мақсади ҳаётий ҳақиқатлар фонида берилади. Ҳар биридаги адолат ва инсонни қадрлаш хислати эса умуминсоний туйғулар билан уйғунлаштириб юборилади.

Асарни ўқиган ёшлар ҳаётга очиқ кўз билан қараш, катта мақсадлар билан киришни ўрганадилар, тақдир синовларидан  бардош билан ўтиб, тўғри йўлни топишга туртки оладилар, деган умиддамиз.

Одамзоднинг бу дунёдаги яккаю ягона, олий вазифаси – ўз тақдирини рўёбга чиқаришга эришувидир...

Барча одамлар ёшлик пайтларида ўз тақдирларини биладилар... Аммо фурсат ўтиши билан сирли бир куч уларни ўз тақдирларини рўёбга чиқариш имконсиз эканлигига ишонтира боради.

Бу сирли қудрат инсон зотига ғанимдай туюлади, аслида эса ўз тақдирини қандай рўёбга чиқариш йўлини худди ана шу қудрат кўрсатиб беради. У инсоннинг руҳини ва эркини ўша буюк вазифага тайёрлайди. Бу курраи заминда олий бир ҳақиқат мавжуд: қачонки сен ниманидир астойдил истасанг, албатта унга эришасан, чунки бундай истак Оламнинг Руҳида дунёга келган бўлади. Сен ер юзида худди ана шунинг учун яратилгансан.

“Алкимёгар” романи замиридаги ушбу ҳикмат ўтмишда ўтган ёхуд ривоят қаҳрамони бўлган кимнингдир қаётигагина тааллуқли эмас, бу сизу биз учун ҳам, биздан кейингилар учун ҳам ўтилажак йўлдир. Балки бугун бу китобнинг дунёдаги 120 мамлакатда севиб ўқилаётгани ҳам, Пауло Коэлонинг дунёнинг энг машҳур ёзувчисига айлангани ҳам бежиз эмасдир.

“Алкимёгар” ҳақида гапирганда Ричард Бахнинг “Жонатан исмли чақалай”, “Тасаввурлар” ёки Экзюперининг “Кичик шаҳзода” сингари эртак-ривоятларини эсламасликнинг сира ҳам иложи йўқ. Аммо “Алкимёгар” уларнинг ҳеч бирига ўхшамайди.

Бу китоб фақат уруш ёхуд тинчлик ҳақида эмас. Унда мавзулар қамрови – одамлар қисмати, уларнинг тақдири, ўйлари, қарашлари ва айни пайтда бўлаётган жараёнга муносабати китобхон эътиборидан четда қолмайди. Қолаверса, мутолаа жараё­нида жамиятда қандай мавқега эга бўлишдан қатъи назар урушни ўзининг тақдири билан боғлаган ва бўлаётган воқеаларга фаол муносабат билдираётган қаҳрамонлар қисмати ўқувчига фавқулодда ҳодиса эмас, балки ўз эрки, ўз номуси учун курашаётган тимсол сифатида гавдаланади. Андрей Болконский, Пьер Безухов, Николай Рос­тов, Наташа, Соня, Мари – улар билан инсон ўзини ҳамфикр, йўлдошдек ҳис қилади.

Аждодларимизнинг босқинчиларга қарши мардонавор курашлари бир неча минг йиллар олдин мағриб ва машриқда афсоналарга айланган, улар ҳақида кўплаб асарлар ёзилган. Ушбу китобда Миркарим Осимнинг мазкур мавзуга оид энг сара асарлари жамланди. 

Азиз китобхон, Ватанни севган, душмандан уни ҳимоя қилган, тинчлигига посбон бўлган массагетлар маликаси Тўмарис, чўпон Широқ,  мўғулларга қарши курашган енгилмас баҳодир Темур Малик жасоратидан ҳикоя қилувчи қиссаларни мутолаасига шошилинг.

“Сариқ девни миниб” китоби севимли адибимизнинг икки китобининг тўпламидан иборат. “Сариқ девни миниб” ва “Сариқ девнинг ўлими” саргузашт романлари болалар ҳаётидан олиб ёзилган бўлиб, уларнинг севимли китобларидандир. Бу асарда орзу-ҳавасга элтадиган чинакам йўл ҳалол меҳнат, яхши хулқ-одоб ва қунт билан ўқишда эканлиги таъкидланади.

Атрофингда сен билан дардлашадиган, умуман, мулоқот қиладиган кимса йўқ, гўё оламда фақат якка ўзинг ва бир қанча жониворлар. Барча ташвишлар-у кулфатларга фақат шу жониворларгина гувоҳ. Орзу-хаёллар, изтироблар, соғинч ҳиси сени сира тарк этолмайди.

Кимсасиз, тўрт томони бепоён уммон бўлган оролда йигирма саккиз йил яшаган Робинзон Крузонинг саргузаштларга бой кечмиши китобхонни бефарқ қолдирмайди, шунингдек, воқеаларнинг оддий ва кутилмаган ҳолатлар билан баён қилиниши қизиқтириши табиий.

Бир неча юз йиллардан бери қайта-қайта нашр этилиб, қўлдан тушмай келаётган дунёга машҳур ушбу китоб сиз азизларга манзур бўлади, деган умиддамиз.

     А.С.Пушкин жаҳон шеъриятини янги тараққиёт босқичига кўтарган, асарлари дунё халқлари тилларига таржима қилинган ва ҳамон севиб ўқилаётган Фирдавсий, Низомий, Навоий, Байрон, Гёте сингари буюк шоирлар сирасига киради. Унинг китобхонларни ҳам, мутахассисларни ҳам ҳайратга солиб келаётган шеърий даҳоси “Евгений Онегин” асарида ўзининг, айниқса, порлоқ бадиий тажассумини топган. 

    1936-йилда буюк шоир ва адиб Ойбек томонидан катта маҳорат билан таржима қилинган бу асар ўзбек халқининг рус шоири ижодини кашф этишида муҳим аҳамиятга молик бўлди, ўзбек шеъриятига янги адабий жанр ва услубларнинг кириб келиши, шеъриятимизда поетик тафаккур ва лиризмнинг чуқурлашишига самарали таъсир кўрсатди.

Рус шеъриятининг бу ўлмас дурдонасини 

     Атоқли ўзбек ёзувчиси Муса Тошмуҳаммад ўғли Ойбек турфа воқеаларга бой, машаққатли ва айни пайтда ажойиб ҳаёт йўлини босиб ўтган. Қўлингиздаги “Болалик хотираларим” китобида у ана шу йўлнинг 1917 – 1918-йилларга қадар бўлган қисми билан сиз, ҳурматли китобхонларни таништиради.

   Ойбек сингари улуғ алломаларнинг болалик ва ёшлик кезлари уларнинг кўча чангитиб юрган оддий боладан халқнинг мутафаккир сиймоларидан бирига айланиши, айниқса, ёш авлодлар учун ҳамиша мароқли ва ибратлидир.

Ушбу китоб ўз олдингизга мақсад қўйишни, ишонч туйғусини мустаҳкамлашни, турли синовларни енгиб ўтишни, изланишни ўргатади. Шунингдек, махсус билимлар, ақл-заковат, ортга чекинмаслик ҳақида кенг тушунча беради. Китоб бой фикрлаш, орзу-истаклар устидан ҳукмрон бўлиш, муваффақиятга эришишга қаратилган. Сиз ҳаётда қандай қилиб мақсадга етиш ва қатъиятли бўлишнинг аниқ режасини топасиз. Бу эса ҳар бир ишда сизга қўл келади. Китобда кўплаб инсонлар ҳаётидан олинган ибратли мисоллар келтирилган. Унда фикр кучи, ғайрат-шижоат, бахт-саодатга эришиш йўллари, муваффақиятнинг оддий сирлари баён этилган. Омад сари ундовчи тамойиллар, йўналиш, қоидалар билан бойитилган. Аниқ мақсад қўйиб, унга сари чалғимай бориш учун нималар қилиш кераклиги мухтасар айтиб ўтилган. Гарчанд китобнинг айрим ўринларида Наполеон Хилл тилидан ҳикоя қилинмаса-да, унинг қарашлари, нуқтаи назари, тамойиллари ўз аксини топган. Китоб кенг китобхонлар оммасига мўлжалланган.

Соҳибқирон Амир Темур ва унинг Марказий Осиё, Хуросон, Эрон ва Ҳиндистонда беш асрга яқин ҳукм сурган сулоласи беназир катта хонадонни ташкил этади. Шажаранинг бардавомлиги бевосита давлат аҳамиятига молик бўлган оилавий тарбияга боғлиқ бўлганлиги, ўзликни, шаънни, ор-номусни сақлаш халқимизда узоқ асрлар давомида сайқал топган миллий менталитет, урф-одатлар, удумлар бағрида етилганлиги, равнақ топганлиги Соҳибқирон тамал тошини қўйган тожу тахт ворислари ҳаёт йўли мисолида кенг кўламда тадқиқ этилди. Мавжуд тадқиқотларда доимо сиёсат талқини соясида қолиб келган Амир Темур ва Темурийлар оиласи, уларнинг феъл-атвори, табиати, шижоати, сифатлари, сурат ва сийратлари, бош­қарув қобилиятлари, айрича фазилатлари, қусур ва заиф жиҳатлари тарихий манбалар воситасида олдинги маррада ёритилди, инкишоф этилди. Асар шу жиҳати билан эътиборга лойиқдир.