DETAILS.PRODUCT_DESCRIPTION

Har bir inson farovon hayot kechirishni, oilasi tinch, ishlari unumli, sogʼligʼi mustahkam boʼlishini istaydi. Biroq bu narsa hammaga ham nasib etavermaydi. Chunki baxtga erishishning oʼz mezonlari bor. Qolaversa, baxtni pulga sotib olishning iloji yoʼq. Zero, baxt doim ham moddiyatga bogʼliq emas.  Hayotda toʼkis baxtga erishgan insonlar juda kam. Kimningdir sogʼligʼi yaxshi boʼlsa, roʼzgʼor tebratishda, tirikchilikda muammolari bor. Yana kimningdir topish-tutishi yaxshi-yu, sogʼligʼi yomon, oilasi notinch. Toʼkis baxtga erishish uchun inson oldida qandaydir toʼsiqlar, muammolari turadi. Ularni yechish uchun yetarli ilm, koʼnikma, hayotiy tajriba talab etiladi.  Ushbu "Baxtli hayot sari" kitobidan qalb xotirjamligi, oilaviy totuvlik, sogʼlik-salomatlik haqidagi maʼlumotlar oʼrin olgan. Jumladan, oila qurish arafasida turgan yoshlarga foydali maslahatlar berilgan, turmushda uchraydigan muammolarni hal etish, moddiy, ruhiy illatlarni davolash borasida yoʼl-yoʼriq koʼrsatilgan.  Ushbu kitob hayot mohiyatini teranroq anglashda, haqiqiy baxtga erishishda sizga yaqin koʼmakchi boʼladi, degan umiddamiz.