DETAILS.PRODUCT_DESCRIPTION

Ushbu kitob Horis al-Muhosibiyning «Fahmus-Solat» (Namozni to‘g‘ri anglash) nomli asarining tarjimasi bo‘lib, unda insonning zuhd, varo’, taqvo kabi fazilatlarga erishishini ta’minlaydigan eng muhim ibodatlardan hisoblanadigan namozni haqiqiy ma’noda anglash borasida hamda bu ibodat asnosida bajariladigan har bir ruknning izoh va hikmatlarini idrok qilish to‘g‘risida so‘z yuritiladi.

Bu asarni mutolaa qiluvchi har bir kitobxon ushbu asarni o‘qigach, Rasululloh (s.a.v.)ning: «Namoz mo‘minning Me’roji hisoblanadi», deb ta’kidlagan hikmatlarini yana ham yaxshi tushunib oladi. Qo‘shimcha ravishda musulmon olamining, jumladan xalqimizning namozga tegishli bilim va tushunchalarini boyitish, ishtiyoqmandlarni namozga undash, namozni ado etish shakllarini o‘rgatish, namoz asnosida kechadigan tafakkur va hissiyotlarni jilovlash, erkak va ayollarning namoz asnosida e’tibor berishlari kerak bo‘lgan qoidalarni eslatish, o‘tmish olimlari va sahobalarning namozdagi holatlarini o‘rgatishni osonlashtirish kabi maqsadlar asosida kitob ona tilimizga tarjima qilindi. 

G‘ayrat qulidan, tavfiq, nusrat, lutf va karam esa Allohdandir...