DETAILS.PRODUCT_DESCRIPTION

Mazkur kitob oddiy oshpazlik risolasi yoinki "musulmon oshxonasi sirlari"dangina iborat emas, bu moʻminlar yeguliklari borasida to'laqonli yoʻriqnoma-qoʻllanmadir. Kitobdan ovqatlanish borasidagi Qurʼoni karimda zikr etilgan suralar, paygʻambarimiz Muhammad sollallohu alayhi vasallamdan toʻgʻri ovqatlanish xususidagi sahih xadislar oʻrin olingan. Musulmonlarning umumiy taomlanish odoblari haqidagi maʼlumotlarda Muhammad Sodiq Qoshgʻariyning "Odob as- Solihin" kitobidan foydalanilgan. Dasturxon atrofida oʻtirish, mexmon va mezbon majburiyatlari borasidagi oʻgitlar Kaykovusning "Qobusnoma" kitobidan keltirilgan. Albatta, risolada Islomga eʼtiqod qoʻygan turli xalqlarning foydali, toʻyimli va shirin taomlari qay tarzda tayyorlanishi borasida maʼlumotlar mavjud. Musulmonlarga taqiqlangan oziq-ovqat mahsulotlari va hayvonlarni qurbonlikka keltirish xususidagi boblar xam maʼqul keladi, deya umid bildirib qolamiz.