DETAILS.PRODUCT_DESCRIPTION

O‘quvchim, bugun sizga dardimga dard qo‘shgan bir qahramon haqida gapirib beraman. Bilasizmi, ayrim asarlar ba’zi insonlarni yodga olish uchun emas, kimlarnidir unuttirish uchun yoziladi. Bizning u qahramonlarni bilmasligimiz esa ularning yo‘q ekanini anglatmaydi! Bu safar sizga mana shunday afsonaviy insonlardan biri axiy Evron haqida aytib beraman. Bu inson aslida kim edi va u nega unuttirildi? Men bu savollarning ko‘piga javob bera olaman, ammo ayrimlariga esa sukut saqlashni afzal deb bilaman. Zero, avval ham aytganimdek, aytmagan gaplarim ayta olganlarimdan ko‘p. Bu hikoya davrlar osha bizga yetib kelgan jonli hikoyadir. Bu hikoyada siz bugunni ham, kechani ham va o‘tmishni ham ayni damda topasiz.

Kitob sizni sakkiz yuz yillik uzoq o‘tmishga olib ketadi va siz o‘sha davrda boshdan kechirilgan fojialarning bugungi kunimizga poydevor bo‘lganining guvohi bo‘lasiz. Ayrim satrlar sizni yig‘latadi, ayrim satrlar esa zehningizda yangi savollar paydo qiladi: mana shuncha odam o‘z hayotini bizning kelajagimiz uchun fido qilgan o‘sha asrda yashab o‘tgan zamondosh olimlar nima bilan mashg‘ul edilar? Kitobning so‘nggida yer olgan o‘smir Zaynabning o‘z ma’naviy onasi Fotima uchun hayotini fido qilayotib baralla hayqirgan so‘nggi so‘zlari esa qulog‘ingiz ostida anchagacha jaranglashi aniq...