DETAILS.PRODUCT_DESCRIPTION

«E'tiqod qilganingdek yasha» deya umrini bir qush qanotiga ilib, bor budini fido qilganlar bor.

Yaxshi ham ular bor. Zero, umr nimani fido qila olganinggiz bilan o'lchanadi.

Aziz o'quvchim, sirli yo'lga chorlasam, kelasizmi?

Sizni o'ylagan, siz uchun jon bergan, xattoki tushlarida sizni ko'rgan insonlar zamoniga chorlasam, kelasizmi?

Darvesh, avliyo va qalandarlarni ko'rishni istaysizmi?

Sizga Ahmad Yassaviy haqida hikoya qilsam...

Zulmatlarda adashma deya ziyo taratganini so'ylab bersam.

Darveshlariga hamroh qilsam sizni...

Aziz kitobxon, siz ham Piri Turkiston Xoja Ahmad Yassaviy kabi duo qilasizmi: «Har ne qilsang, oshiq qilgil Parvardigor...»

Shogirdlari dunyoning to'rt tomoniga ilmu-ziyo sochgan, ahli dil, Piri Turkiston Xoja Ahmad Yassaviy haqida qissa...