Kitob haqida

Aziz kitobxon! O‘zbek adabiyotida, ma’naviy iqlimida ajoyib hodisa sodir bo‘ldi. Ajoyibligi, hodisaligi shunday: O‘zbekiston xalq shoiri Usmon Azim "So‘ngso‘zlar" nomli memuar asar bitdi. Asar tabarruk yoshdagi adibning muxlisga, adabiyot ahli va o‘zbekka, qo‘yingki, dunyoga atalgan halol iqrorlari, qarz gaplaridir. Adabiy, ma’naviy va ijtimoiy voqelikni katta miqyosda qamragan "So‘ngso‘zlar" badiiy tartib berilgan o‘ziga xos solnomadir. Faqat adabiyot emas, balki millatimiz taqdiriga daxli bo‘lgan har bir mavzu o‘z ravishda kesishgan ushbu asar o‘zini hurmat qilgan har bir kitobxon uchun qimmatli. O‘zini kashf etish, kashf etganda fosh etish qiyin ish. Kitob mardona shoirning ana shunday mardona xulosalari, aziz xotiralaridan iborat. Yangi kitob barchamizga muborak bo‘lsin!