DETAILS.PRODUCT_DESCRIPTION

Xayol va voqelik, haqiqat va majoz, muyassariyat va mahrumiyat muvozanati bor ekan, aql-u koʼngil amriga boʼyinsunamiz, vaqt-u umid oraligʼida yashaymiz, taraqqiyotning temir panjalari emas, tabiat yaratgan moʼʼjizalardan hayratlanamiz, bashariy axloq kamoloti sari talpinamiz. Zero, iymonu ishonch komilligi asosiga barpo etilgan olam sukunatida sadolar, uqubatida sururlar, ufunatida esa xush iforlar mujassam va pinhonligini anglash baxti - odamzodni har nechuk arosatlar qaʼrida ham omon saqlamogʼi bejiz emas... Ushbu kitobda ramzu ishoralar orqali bayonsiz bayon etilgan katta-kichik novellalardagi voqea-hodisalar oddiy boʼlib tuyulsa-da, aslida murakkab taqdirlar iztirobi sizni befarq qoldirmaydi.